hie äne ke mönsch und alles im schutt
ussert ere jugendstilbrügg isch alls kaputt
chly wyter hinde ruumt eine schmuck zumene schoufänster us
i nähmt mer gärn im gschäft dernäbe so ne tschu-tschu-tschu-tschu
tschu-tschu-tschu-tschu tschu-tschu-tschu-tschu-märklin isebahn
doch da chunnt so ne wildi drohne u balleret eifach los
du bisch dert äne u s blitzt u kracht
i wett bi dir sy
zäme schaffe mers vilech no bis zu däm turm
äs flügt üs alls um d ohre
du wettsch bi mir sy
mir hei üs immer chönne häbe
i jedem sturm
dert äne hanget öppis schrecklechs amne pfahl
i dere wält bringt jede meter en anderi qual
i hätt mit dir für ds läbe gärn no so ne tscha-tscha-tscha-tscha tscha-tscha-tscha-tscha tscha-tscha-tscha-tscha tscha-tscha-tscha tanzt
doch was morn isch weiss nume ds schicksal u vilech das nid emal
du bisch dert äne u s blitzt u kracht…
text u musig: lorenz hirni (feb 2025)